ఈసారి ఐపీఎల్‌లో టీమ్‌లకు హోం గ్రౌండ్‌ సెంటిమెంట్.. ఏకంగా 9 మ్యాచ్‌లు!

ఇండియన్ ప్రీమియర్ లీగ్ 2024లో కొత్త సంప్రదాయం కొనసాగుతోంది. మునుపెన్నడూ లేని విధంగా జట్లన్నీ కలిసి మూకుమ్మడిగా నిర్ణయం తీసుకున్నట్లుగా హోం గ్రౌండ్‌లో ఆడిన జట్లు విజయం సాధిస్తున్నాయి. ఇది చూడటానికి మీరు మా గ్రౌండ్‌లో గెలవలేరు.. మీం మీ గ్రౌండ్‌లో ఆడలేం అన్నట్లుగా ఉంది. ఈ సీజన్‌లో ఇప్పటివరకు (మార్చి 28) 9 మ్యాచులు జరిగాయి. అయితే అందులో అనూహ్యంగా అన్నీ హోమ్ గ్రౌండ్‌లో ఆడిన జట్లే విజయం సాధించడం గమనార్హం.

ఈ సీజన్ తొలి మ్యాచులో చెన్నై సూపర్ కింగ్స్, రాయల్ ఛాలెంజర్స్ బెంగళూరు జట్లు తలపడ్డాయి. ఈ మ్యాచ్ చెన్నైలో జరగ్గా.. సీఎస్కే 6 వికెట్ల తేడాతో గెలుపొందింది.

రెండో మ్యాచు ఢిల్లీ క్యాపిటల్స్, పంజాబ్ కింగ్స్ జట్ల మధ్య ముల్లాన్ పూర్‌లో జరిగింది. ఈ స్టేడియం పంజాబ్ కింగ్స్‌కు హోం గ్రౌండ్. దీంతో ఈ మ్యాచులో ఆతిథ్య పంజాబ్ విజయఢంకా మోగించింది. మూడో మ్యాచుకు కోల్‌కతాలోని ఈడెన్ గార్డెన్ ఆతిథ్యం ఇవ్వగా.. సన్ రైజర్స్‌ను కోల్‌కతా నైట్ రైడర్స్ 4 పరుగుల తేడాతో ఓడించింది. జైపూర్ వేదికగా జరిగిన నాలుగో మ్యాచులో లక్నోను రాజస్థాన్ రాయల్స్.. అహ్మదాబాద్ వేదికగా జరిగిన ఐదో మ్యాచులో ముంబైని గుజరాత్ జట్టు ఓడించింది.

ఆరో మ్యాచు బెంగళూరులోని చిన్నస్వామి స్టేడియంలో జరిగింది. ఇందులో ఆతిథ్య ఆర్సీబీ.. పంజాబ్‌ను ఓడించింది. ఏడో మ్యాచు చెన్నై వేదికగా జరగ్గా.. గుజరాత్‌ టైటాన్స్‌కు ఓటమి తప్పలేదు. గురువారం తొమ్మిదో మ్యాచు హైదరాబాద్ వేదికగా జరిగింది. ఇందులో సన్ రైజర్స్ హైదరాబాద్‌ 31 రన్స్ తేడాతో ముంబై ఇండియన్స్‌ను ఓడించింది. తాజాగా శుక్రవారం జరిగిన మ్యాచులోనూ ఇదే సంప్రదాయం పునరావృతం అయింది. జైపూర్‌లో జరిగిన మ్యాచులో ఢిల్లీ క్యాపిటల్స్‌ను రాజస్థాన్ ఓడించింది.

ఈ నేపథ్యంలో ఐపీఎల్ 2024లో కొనసాగుతున్న కొత్త సంప్రదాయం ఎప్పటివరకు కొనసాగుతుంది అనేది ఆసక్తికరంగా మారింది. శుక్రవారం రాయల్ ఛాలెంజర్స్ బెంగళూరు జట్టు కోల్‌కతా నైట్ రైడర్స్‌తో తలపడనుంది. బెంగళూరులోని చిన్నస్వామి స్టేడియంలో ఈ మ్యాచ్ జరగనుంది. కొత్త సంప్రదాయం ప్రకారం ఆర్సీబీ ఈ మ్యాచులో గెలవాలి. మరి ఈ కొత్త విధానం కొనసాగుతుందా? లేదా పదో మ్యాచులో ఈ విజయాల పరంపరను కోల్‌కతా బ్రేక్ చేస్తుందా అన్నది తేలాల్సి ఉంది.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-03-29T02:52:56Z dg43tfdfdgfd