RISHABH PANT: టీ20 ప్రపంచకప్‌లో వికెట్ కీపర్ బెర్తుకు ఖర్చీఫ్ వేసిన పంత్.. మెరుపు స్టంపింగ్‌తో..!

టీమిండియా యంగ్ వికెట్ కీపర్ రిషభ్ పంత్ ఐపీఎల్ 2024లో అదరగొడుతున్నాడు. రోడ్డు ప్రమాదం తర్వాత ఈ సీజన్‌లో రీఎంట్రీ ఇచ్చిన పంత్.. గతంలో మాదిరిగానే చెలరేగిపోతున్నాడు. వికెట్ కీపింగ్, బ్యాటింగ్, కెప్టెన్సీలో రాణిస్తున్నాడు. దీంతో టీ20 ప్రపంచకప్ కోసం తాను సిద్ధంగా ఉన్నట్లు తెలియజేస్తున్నాడు. బుధవారం గుజరాత్ టైటాన్స్‌తో జరిగిన మ్యాచులోనూ తన నైపుణ్యాలను మరోసారి ప్రదర్శించాడు.

మెరుపు స్టంపింగ్స్, చురుకైన వికెట్ కీపింగ్‌తో అదరగొట్టాడు. అతడి విన్యాసాలు చూసిన ఫ్యాన్స్.. అసలు పంత్‌కు రోడ్డు ప్రమాదం జరిగిందా అంటూ ఆశ్చర్యపోతున్నారు. గుజరాత్ బ్యాటింగ్ సందర్భంగా డేవిడ్ మిల్లర్ ఇచ్చిన క్లిష్టమైన క్యాచ్‌ను రిషభ్.. ఒంటి చేత్తో డైవ్ చేస్తూ అందుకుని ఆశ్చర్య పరిచాడు. అమాంతం తన ఎడమవైపుకు దూకి.. ఈ క్యాచ్ అందుకున్నాడు. ఆ తర్వాత స్టబ్స్ బౌలింగ్‌లో అభినవ్ మనోహర్, షారుఖ్ ఖాన్‌లను తన మెరుపు స్టంపింగ్‌తో పెవిలియన్ పంపించాడు.

మొత్తంగా గుజరాత్ టైటాన్స్‌తో మ్యాచులు రెండు క్యాచులు, రెండు స్టంపింగ్‌లు బ్యాటింగ్‌లో 11 బంతుల్లో 16 పరుగులు చేసి.. ప్లేయర్ ఆఫ్ ది మ్యాచుగా నిలిచాడు. తన నాయకత్వ లక్షణాలతోనూ అదరగొట్టాడు.

వాస్తవానికి పంత్ ఈ సీజన్‌లో వికెట్ కీపింగ్ చేస్తాడా లేదా అని విషయంపై అనుమానం ఉండేది. కానీ తొలి మ్యాచు నుంచే వికెట్ల వెనకాల నిల్చున్న పంత్.. మునుపటి స్థాయిలో ప్రదర్శన చేస్తున్నాడు. టీ20 ప్రపంచకప్ ఆడేందుకు తాను సిద్ధంగా ఉన్నట్లు సెలక్టర్లకు మెసేజ్ పంపించాడు. మరో పది రోజుల్లో టీ20 ప్రపంచకప్ కోసం జట్టు ఎంపిక ఉండనుంది. ఈ ప్రదర్శనతో రిషభ్ ఆ జట్టులో చోటు దక్కించుకోవడం ఖాయంగానే కనిపిస్తోంది.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-04-18T02:02:40Z dg43tfdfdgfd