RAJASTHAN ROYALS VS DELHI CAPITALS: ఇద్దరు యంగ్‌స్టార్స్ మధ్య బిగ్ ఫైట్.. టాస్ గెలిచిన ఢిల్లీ.. ప్లేయింగ్ 11 ఇదే..!
RR Vs DC IPL 2024 Updates: ఐపీఎల్ 2024లో మరో ఆసక్తికర పోరుకు తెరలేచింది. రాజస్థాన్ రాయల్స్‌తో ఢిల్లీ క్యాపిటల్స్ తలపడుతోంది. తొలి మ్యాచ్‌లో పంజాబ్ చేతిలో ఓటమిపాలైన ఢిల్లీ.. ఈ మ్యాచ్‌లో ఎలాగైనా గెలవాలని పట్టుదలతో ఉంది. రోడ్డు యాక్సిడెంట్ తరువాత జట్టులోకి వచ్చిన ఢిల్లీ కెప్టెన్ రిషబ్ పంత్.. తొలి మ్యాచ్‌లో పెద్దగా ఆకట్టుకోలేదు. ఈ మ్యాచ్‌లో సత్తా చాటేందుకు ఊవిళ్లూరుతున్నాడు. అటు తొలి మ్యాచ్‌లో లక్నోను చిత్తు చేసి రాజస్థాన్ రాయల్స్ జోరు మీదుంది. జైపూర్‌లోని సవాయ్ మాన్‌సింగ్ స్టేడియం వేదికగా జరుగుతున్న ఈ మ్యాచ్‌లో టాస్ గెలిచిన ఢిల్లీ మొదట బౌలింగ్ ఎంచుకుంది. ఈ మ్యాచ్‌కు తుది జట్టులో ఢిల్లీ రెండు మార్పులు చేసింది. ఇషాంత్ శర్మ గాయం నుంచి ఇంకా పూర్తిగా కోలుకోలేదు. షైహోప్ వెన్నునొప్పితో ఈ మ్యాచ్‌కు దూరమయ్యాడు. వీరిద్దరి స్థానంలో అన్రిచ్ నోకియా, ముఖేష్ కుమార్ జట్టులోకి వచ్చారు. రాజస్థాన్ తొలి మ్యాచ్‌లో ఆడిన జట్టుతోనే ఆడుతోంది.
తుది జట్లు ఇలా..
ఢిల్లీ క్యాపిటల్స్: డేవిడ్ వార్నర్, మిచెల్ మార్ష్, రికీ భుయ్, రిషబ్ పంత్ (వికెట్ కీపర్, కెప్టెన్), ట్రిస్టన్ స్టబ్స్, అక్షర్ పటేల్, సుమిత్ కుమార్, కుల్దీప్ యాదవ్, అన్రిచ్ నోకియా, ఖలీల్ అహ్మద్, ముఖేష్ కుమార్
రాజస్థాన్ రాయల్స్: యశస్వి జైస్వాల్, జోస్ బట్లర్, సంజు శాంసన్ (వికెట్ కీపర్, కెప్టెన్), రియాన్ పరాగ్, షిమ్రాన్ హెట్మెయర్, ధ్రువ్ జురెల్, రవిచంద్రన్ అశ్విన్, ట్రెంట్ బౌల్ట్, యుజ్వేంద్ర చాహల్, సందీప్ శర్మ, అవేష్ ఖాన్.
2024-03-28T14:15:03Z dg43tfdfdgfd