Miami Open : ప్రతిష్ఠాత్మక మియామి ఓపెన్లో(Miami Open 2024) భారత స్టార్ ఆటగాడు రోహన్ బోపన్న(Rohan Bopanna) మాథ్యూ ఎబ్డెన్ జోడీ రఫ్ఫాడిస్తోంది. వరుస విజయాలతో దూసుకెళ్తున్న ఈ ద్వయం సెమీస్లో కాలు మోపింది. మంగళవారం రాత్రి జరిగిన మ్యాచ్లో బోపన్న ద్వయం సీబ్ వీర్బీక్, జాన్ పాట్రిక్ స్మిత్ను చిత్తు చేసింది. 3-6, 7-6, 10-7తో మ్యాచ్ ముగించి దర్జాగా సెమీస్లో అడుగుపెట్టింది. ఫెనల్ బెర్తుకోసం జరిగే పోరులో ఈ జంట.. గ్రానొల్లెర్స్, జెబల్లోస్ లేదా గ్లాస్పూల్, రోజర్ జోడీని ఢీకొట్టనుంది.
ఆస్ట్రేలియన్ ఓపెన్ టైటిల్తో బోపన్నజోడీ చరిత్ర సృష్టించిన విషయం తెలిసిందే. 43 ఏండ్ల వయసులో ట్రోఫీ గెలిచిన బోపన్న భారత్కు మూడో గ్రాండ్స్లామ్ సాధించి పెట్టాడు. నిరుడు నుంచి బోపన్న – మథ్యూ జోడీ అద్భుత విజయాలు సాధిస్తూ వస్తోంది. అయితే.. దుబాయ్ చాంపియన్షిప్స్, ఇండియన్ వెల్స్ టోర్నీలో ఈ జంట అనూహ్యంగా ఓటమి పాలైంది. దాంతో డబ్ల్యూటీఏ ర్యాంకింగ్స్లో బోపన్న, మాథ్యూస్లు అగ్రస్థానం నుంచి రెండో స్థానానికి పడిపోయారు.