PBKS VS DC మ్యాచ్‌కి వరుణ గండం.. మ్యాచ్ ఆగిపోతే ఢిల్లీకే లాభం!

ఐపీఎల్ 2025 ప్లే ఆఫ్స్ దగ్గర పడుతున్న కొద్దీ ప్రతి మ్యాచ్ ఇంట్రెస్ట్‌గా మారుతోంది. డూ ఆర్ డై మ్యాచ్‌లకు వరుణుడు పెద్ద అడ్డంకిగా మారాడు. అయితే ఈ వర్షాలు ఢిల్లీ క్యాపిటల్స్‌కి మంచి ఫేవర్‌గా మారాయి. మొన్నటికి మొన్న ఉప్పల్‌లో సన్‌రైజర్స్‌ ఈజీగా గెలవాల్సిన మ్యాచ్‌లో ఢిల్లీని వరుణుడు కాపాడాడు. దాంతో ఇరు జట్లకి చెరొక పాయింట్ దక్కడంతో ఢిల్లీ ప్లే ఆఫ్ రేసులో దూసుకుపోగా.. సన్‌రైజర్స్ ఎలిమినేట్ అయింది. ఇప్పుడు కూడా ధర్మశాల వేదికగా పంజాబ్ - ఢిల్లీ మ్యాచ్‌లో వర్షం పెద్ద సమస్యగా మారింది. ధర్మశాల వేదికగా ఈ రోజు రాత్రి 7:30 గంటలకు ప్రారంభమవ్వాల్సిన పంజాబ్ కింగ్స్, ఢిల్లీ క్యాపిటల్స్ మ్యాచ్ ఆలస్యమయింది. రాత్రి 8 గంటల వరకు కూడా టాస్ పడలేదు. వర్షం ఇబ్బంది పెట్టడంతో అంపైర్లు టాస్ వేయడానికి మరింత ఆలస్యం చేస్తున్నారు. వర్షం తగ్గినప్పటికీ అవుట్ ఫీల్డ్ తడిగా ఉండటంతో టాస్ ఆలస్యమైంది. ఒకవేళ ఈ మ్యాచ్ ఫస్ట్ ఇన్నింగ్స్ జరిగి ఆ తర్వాత వర్షం పడినప్పటికీ మ్యాచ్ రద్దయ్యే అవకాశం ఉంది. మ్యాచ్ రద్దయితే పంజాబ్ కింగ్స్ కంటే ఢిల్లీ క్యాపిటల్స్‌కే ఎక్కువ లాభం ఉంది. ఈ మ్యాచ్‌లో పంజాబ్ కింగ్స్ గెలిస్తే ఐపీఎల్ 2025 ప్లే ఆఫ్‌లో అడుగుపెట్టే తొలి జట్టుగా నిలుస్తుంది. ఢిల్లీ క్యాపిటల్స్ గెలిస్తే మూడో స్థానానికి వెళ్లే అవకాశం ఉంది. మ్యాచ్ రద్దయితే ఇరు జట్లకి చెరొక పాయింట్ దక్కనుంది. అప్పుడు ఢిల్లీ క్యాపిటల్స్ 14 పాయింట్లతో ఐదో స్థానంలోనే ఉండగా, పంజాబ్ 16 మూడో స్థానంలోనే ఉంటుంది.

హెడ్ టు హెడ్ రికార్డ్

పంజాబ్ కింగ్స్, ఢిల్లీ క్యాపిటల్స్ జట్లు ఐపీఎల్‌లో పోటాపోటీగా తలపడ్డాయి. ఇరు జట్ల మధ్య 33 మ్యాచ్‌లు జరగ్గా.. పంజాబ్ కింగ్స్ 17, ఢిల్లీ క్యాపిటల్స్ 15 మ్యాచ్‌లలో గెలిచాయి. ఒక మ్యాచ్ రద్దయింది. ధర్మశాలలో నాలుగు జరిగితే ఇరు జట్లు చెరి రెండు మ్యాచ్‌లలో విజయం సాధించాయి.

పంజాబ్ కింగ్స్ జట్టు అంచనా

ప్రియాన్షు ఆర్య, ప్రభుసిమ్రాన్ సింగ్, శ్రేయాస్ అయ్యర్ (కెప్టెన్), జాస్ ఇంగ్లిస్, శశాంక్ సింగ్, నేహాల్ వధేరా, మార్కస్ స్టాయినీస్, అజ్మతుల్లా ఓమర్జాయి, మార్కో యాన్సన్, యుజ్వేంద్ర చాహల్, అర్షదీప్ సింగ్, విజయ్ కుమార్/సూర్యాన్షు షెడ్జే.

ఢిల్లీ క్యాపిటల్స్

ఫాఫ్ డుప్లెసిస్, అభిషేక్ పోరెల్, కరుణ్ నాయర్, కేఎల్ రాహుల్, అక్షర్ పటేల్ (కెప్టెన్), ట్రిస్టన్ స్టబ్స్, అశుతోష్ శర్మ, విప్‌రాజ్ నిగమ్, మిచెల్ స్టార్క్, దుష్మంత చమీరా, కుల్దీప్ యాదవ్, టి.నటరాజన్.

2025-05-08T15:10:45Z