స్టార్క్ VS సన్‌రైజర్స్.. ఓడితే బ్యాగ్ సర్దుకోవడమే..!

ఐపీఎల్ 2025 ప్లే ఆఫ్స్ రేసు రసవత్తరంగా సాగుతోంది. మొత్తం 70 లీగ్ మ్యాచులలో 54 మ్యాచులు ఇప్పటికే పూర్తయినా.. ప్లే ఆఫ్స్ బెర్తును ఇప్పటికీ ఒక్క టీమ్ కూడా ఖరారు చేసుకోలేదు. ఏడు జట్ల ప్లే ఆఫ్స్ రేసులో నువ్వా నేనా అన్నట్లు పోటీపడుతున్నాయి. దీంతో ప్రతి మ్యాచ్ కీలకంగా మారింది. ఇక గత సీజన్‌లో రన్నరప్‌గా నిలిచిన సన్ రైజర్స్ హైదరాబాద్.. ఈ సారి మాత్రం దారుణ ప్రదర్శన చేస్తోంది. ఆడిన 10 మ్యాచులలో మూడింట్లో మాత్రమే గెలిచి.. ప్లే ఆఫ్స్ అవకాశాలను సంక్లిష్టం చేసుకుంది. ఈ నేపథ్యంలో ఆ జట్టు నేడు ఢిల్లీ క్యాపిటల్స్‌తో తలపడనుంది.హైదరాబాద్‌లోని ఉప్పల్ వేదికగా ఈ మ్యాచ్ జరగనుంది. ఈ మ్యాచులో ఓడిపోతే.. సన్ రైజర్స్ అధికారికంగా ప్లే ఆఫ్స్ రేసు నుంచి నిష్క్రమిస్తుంది. ఆ జట్టు ఇంకా నాలుగు మ్యాచులు ఆడాల్సి ఉంది. అన్నింట్లో గెలిచినా.. ఆ జట్టు ప్లే ఆఫ్స్ చేరుతుందనే నమ్మకం లేదు. కానీ ఆశలు మాత్రం ఉంటాయి. కంగారులో ఢిల్లీ క్యాపిటిల్స్..నిజానికి ఐపీఎల్ 2025లో వరుసగా తొలి నాలుగు మ్యాచులు గెలిచిన ఢిల్లీ.. ప్లే ఆఫ్స్ చేరే తొలి జట్టుగా నిలుస్తుందని అంతా భఆవించారు. కానీ ఆ తర్వాత ఆడిన ఆరు మ్యాచులలో ఆ జట్టు కేవలం రెండింట్లోనే గెలిచింది. చివరి రెండు మ్యాచులలో ఓడి.. టాప్-4 నుంచి కిందకు పడిపోయింది. ఈ నేపథ్యంలో ఇవాళ మ్యాచులో గెలిచేందుకు ఆ జట్టు సర్వశక్తులూ ఒడ్డేందుకు సిద్ధమైంది.ఇదేంది పంతూ.. బాల్ కంటే బ్యాటే ఎక్కువ ఎత్తు వెళ్లింది!స్టార్క్ వర్సెస్ హెడ్..కాగా హైదరాబాద్‌తో మ్యాచ్ అంటే చెలరేగిపోవడం అలవాటుగా చేసుకున్న స్టార్క్.. మరోసారి అదే రిపీట్ చేయాలని భావిస్తున్నాడు. ఐపీఎల్ 2024లో సన్ రైజర్స్‌ను కేకేఆర్ ఓడించడంలో స్టార్క్ కీలకపాత్ర పోషించాడు. ముఖ్యంగా ఓపెనర్ హెడ్‌ను అతడు తీవ్రంగా ఇబ్బంది పెడుతున్నాడు.హెడ్ టు హెడ్ రికార్డ్స్..హైదరాబాద్, ఢిల్లీ మధ్య ఇప్పటివరకు 25 మ్యాచులు జరిగాయి. అందులో సన్ రైజర్స్ 13 మ్యాచులలో.. ఢిల్లీ 12 మ్యాచులలో గెలిచింది. హైదరాబాద్ వేదికగా ఆరు మ్యాచులు ఆడగా.. అందులో చెరో మూడు సార్లు విజయం సాధించాయి.తుది జట్లు అంచనా:సన్ రైజర్స్: అభిషేక్ శర్మ, ట్రావిస్ హెడ్, ఇషాన్ కిషన్, హెన్రిచ్ క్లాసెన్ (వికెట్ కీపర్), అనికేత్ వర్మ, కామిందు మెండిస్, నితీష్ కుమార్ రెడ్డి, ప్యాట్ కమిన్స్ (కెప్టెన్), హర్షల్ పటేల్, జయదేవ్ ఉనద్కత్, జీషాన్ అన్సారీ, మహమ్మద్ షమీఢిల్లీ క్యాపిటల్స్: ఫాఫ్ డుప్లెసిస్, అభిషేక్ పోరెల్, కరుణ్ నాయర్, కేఎల్ రాహుల్ (వికెట్ కీపర్), అక్షర్ పటేల్ (కెప్టెన్), ట్రిస్టన్ స్టబ్స్, విప్రజ్ నిగమ్, మిచెల్ స్టార్క్, కుల్‌దీప్ యాదవ్, దుష్మంత చమీరా, ముఖేష్ కుమార్, అశుతోష్ శర్మ

2025-05-05T07:09:12Z