ఐపీఎల్ 2025లో ఫ్రాంఛైజీలను వేధిస్తున్న గాయాల బెడద.. 8 రోజుల్లో 8 మంది ఔట్‌!

ముగియనుంది. అయినప్పటికీ ఇంకా ప్లే ఆఫ్స్ బెర్తును ఒక్క టీమ్ కూడా ఖరారు చేసుకోలేదు. కానీ మూడు టీమ్‌లు మాత్రం ప్లే ఆఫ్స్ రేసు నుంచి నిష్క్రమించాయి. ఈ నేపథ్యంలో లీగ్‌లో కీలకమైన సమయంలో ఆటగాళ్లు గాయాల బారిన పడటం ఫ్రాంఛైజీలను కలవరపెడుతోంది. ప్రతీ మ్యాచ్ కీలకంగా మారిన ప్రస్తుత పరిస్థితుల్లో ఫ్రాంఛైజీలు కూడా వెంటనే ప్రత్యామ్నాయ ప్లేయర్‌ను అన్వేషిస్తున్నాయి.గత 8 రోజుల్లో ఏకంగా 8 మంది ఆటగాళ్లను ఫ్రాంఛైజీలు జట్టులోకి తీసుకున్నాయి. మొత్తంగా ఐపీఎల్ 2025లో ఇప్పటివరకు 17 మంది ఆటగాళ్ల స్థానాలకు వేలంలో అమ్ముడుపోని ఆటగాళ్లతో భర్తీ చేశారు. అయితే పలువురు విశ్లేషకులు మాత్రం ఫ్రాంఛైజీలు వ్యూహాత్మకంగా ఆలోచించే ఇలాంటి నిర్ణయం తీసుకుంటున్నాయని చెబుతున్నారు. ఎలాగూ కొన్ని రోజుల్లో లీగ్ పూర్తవుతుంది. కానీ వేలంలో అమ్ముడుపోని ఆటగాళ్లను బేస్ ధరకు దక్కించుకోవడం వల్ల.. వచ్చే ఏడాది జరిగే మినీ వేలానికి ముందు పర్స్‌లో కావాల్సినంత డబ్బు ఉంటుందని పేర్కొంటున్నారు. అలా కాకుండా వేలంలో వీరిని దక్కించుకోవాలంటే.. ఇతర ఫ్రాంఛైజీలతో పోటీ పడాల్సి వస్తుందని అందుకే ముందుగా తీసుకుంటున్నాయని చెబుతున్నారు.ఐపీఎల్ 2025లో ఇప్పటివరకు గాయపడ్డ ఆటగాళ్లు.. వారి ప్లేసులో జట్టులోకి చేరిన ప్లేయర్లు వీళ్లే..

ముంబై ఇండియన్స్‌..

అల్లా గజన్‌ఫర్‌, రిజాడ్ విలియమ్స్, విఘ్నేష్ పుతూర్ స్థానాలను ముజీబ్ ఉర్ రెహ్మాన్, కార్బిన్ బాష్‌, రఘు శర్మతో భర్తీ చేసింది.

చెన్నై సూపర్ కింగ్స్‌..

రుతురాజ్ గైక్వాడ్, గుర్జప్రీత్ సింగ్‌, వంశ్ బేడీ స్థానాల్లో ఆయుష్ మాత్రే, డివాల్డ్ బ్రేవిస్, ఉర్విల్ పటేల్‌లను జట్టులోకి తీసుకుంది.

సన్‌రైజర్స్ హైదరాబాద్‌..

స్మరణ్ రవిచంద్రన్, ఆడమ్ జంపా, బ్రైడన్ కేర్స్ ప్లేసుల్లో హర్ష్ దూబె, స్మరన్ రవిచంద్రన్, వియాన్ ముల్డర్‌లు జట్టులోకి వచ్చారు.

గుజరాత్ టైటాన్స్‌..

గ్లెన్ ఫిలిప్స్‌ ప్లేసులో దాసున్ శనకను తీసుకుంది.

ఢిల్లీ క్యాపిటల్స్..

టోర్నీ నుంచి అర్ధంతరంగా తప్పుకున్న హ్యారీ బ్రూక్‌ ప్లేసులో సెడిఖుల్లా అటల్‌ను ఎంపిక చేసింది.

కోల్‌కతా నైట్ రైడర్స్‌..

ఉమ్రాన్ మాలిక్ స్థానంలో చేతన్ సకారియా జట్టులోకి వచ్చాడు.

లక్నో సూపర్ జెయింట్స్‌..

మొహ్సిన్ ఖాన్ ప్లేసులో శార్దుల్ ఠాకూర్.. లక్నో సూపర్ జెయింట్స్ జట్టులో చేరాడు.

పంజాబ్ కింగ్స్..

గ్లెన్ మ్యాక్స్‌వెల్ ప్లేసులో మిచ్ ఓపెన్‌ను తీసుకుంది.

రాజస్థాన్ రాయల్స్‌..

నితీశ్ రాణా, సందీప్ శర్మ స్థానాల్లో లువాన్ డ్రే ప్రిటోరియస్, నండ్రే బర్గర్‌ను జట్టులోకి చేర్చింది.

ఆర్సీబీ..

దేవ్‌దత్ పడిక్కల్ ప్లేసులో మయాంక్ అగర్వాల్ జట్టులోకి వచ్చాడు

2025-05-08T13:40:46Z