ఆపద్భాందవుడు లిటన్ దాస్.. జట్టు కష్టాల్లో ఉంటే సెంచరీ పక్కా..!
పాకిస్థాన్తో పాకిస్థాన్ గడ్డపై జరుగుతున్న టెస్టు సిరీస్లో బంగ్లాదేశ్ జట్టు స్ఫూర్తిదాయక ప్రదర్శన చేస్తోంది. తొలి టెస్టులో సంచలన బౌలింగ్, బ్యాటింగ్తో ఆతిథ్య జట్టును చిత్తు చేసిన బంగ్లాదేశ్.. రెండో టెస్టులోనూ గొప్పగా పోరాడుతోంది. రెండో టెస్టు తొలి ఇన్నింగ్స్లో ఓ దశలో కుప్పకూలిపోయేలా కన్పించింది. కానీ అనూహ్యంగా మళ్లీ పుంజుకుంది. ఆ జట్టు బ్యాటర్ లిటన్ దాస్ వీరోచితో పోరాటంతో గొప్పగా కోలుకుంది. అతడికి మరో ప్లేయర్ మెహిది హసన్ మిరాజ్ కూడా సహకరించడంతో మ్యాచ్లో పోటీలోకి వచ్చింది. దీంతో రెండో టెస్టును కూడా హోరాహోరీగా మార్చేసింది.
రావల్పిండి వేదికగా జరుగుతున్న రెండో టెస్టులో పాకిస్థాన్ జట్టు తొలుత బ్యాటింగ్ చేసింది. తొలి ఇన్నింగ్స్లో 85.1 ఓవర్లలో 274 పరుగులకు ఆలౌట్ అయింది. దీంతో తొలి ఇన్నింగ్స్లోనే భారీ స్కోరు చేసి.. ఆతిథ్య జట్టును ఒత్తిడిలోకి నెట్టాలని బంగ్లాదేశ్ భావించింది. కానీ తొలి టెస్టులో ఓడిన పాకిస్థాన్ బలంగా పుంజుకుంది. పాక్ బౌలర్లు సమష్టిగా రాణించడంతో బంగ్లాదేశ్ టాప్ ఆర్డర్ కకావికలం అయింది. 14 పరుగుల వద్ద మొదటి వికెట్ కోల్పోయిన బంగ్లాదేశ్.. ఆ తర్వాత 12 పరుగుల వ్యవధిలోనే ఆరు వికెట్లు కోల్పోయి 26/6తో నిలిచింది. తొలి టెస్టు హీరో ముష్పికర్ రహీమ్ (3) సైతం సింగిల్ డిజిట్కే ఔట్ అయ్యాడు. దీంతో రెండో టెస్టులో బంగ్లాదేశ్కు భంగపాటు తప్పదని అంతా భావించారు.
లిటన్ దాస్ షో..
ఈ దశలోనే వికెట్ కీపర్ లిటన్ దాస్.. గొప్పగా పోరాడాడు. సహచర బ్యాటర్లు ఇబ్బంది పడ్డ అదే పిచ్పై.. స్ఫూర్తిదాయక ప్రదర్శన చేశాడు. పాక్ బౌలర్లకు ధీటుగా నిలిచాడు. మెహిది హసన్ మిరజ్తో కలిసి జట్టును ఆదుకున్నాడు. ఈ క్రమంలోనే టెస్టుల్లో తన నాలుగో సెంచరీని పూర్తి చేసుకున్నాడు. మెహిది హసన్ మిరజ్తో (78) కలిసి ఏడో వికెట్కు 165 పరుగుల భారీ భాగస్వామ్యం నమోదు చేసి జట్టు స్కోరును 250 దాటించాడు. చివరకు 228 బంతుల్లో 13 ఫోర్లు, 4 సిక్సర్ల సాయంతో 138 పరుగులు చేసిన తర్వాత 262 స్కోరు వద్ద తొమ్మిదో వికెట్గా వెనుదిరిగాడు. అదే స్కోరుకు బంగ్లాదేశ్ కూడా ఆలౌటైంది.26/6తో నిలిచిన బంగ్లాదేశ్.. 50 పరుగుల లోపే కుప్పకూలేలా కన్పించింది. కానీ లిటన్ దాస్, మెహిది హసన్ మిరజ్ వీరోచితంగా పోరాడటంతో బంగ్లాదేశ్ జట్టు.. పాకిస్థాన్కు ధీటుగా బదులిచ్చింది. బంగ్లాదేశ్ పాకిస్థాన్కు ధీటుగా జవాబిచ్చింది. భారీ ఆధిక్యం లభిస్తుందని భావించిన పాకిస్థాన్కు భంగపాటుకు గురైంది. కేవలం 12 పరుగులు మాత్రమే ఆధిక్యం లభించింది. దీంతో రెండో టెస్టు రసవత్తరంగా మారింది. రెండో ఇన్నింగ్స్లో రాణించిన జట్టే.. ఈ మ్యాచ్లో గెలిచే అవకాశం ఉంది.
అరుదైన రికార్డు సాధించిన లిటన్ దాస్..
పాకిస్థాన్తో రెండో టెస్టులో సెంచరీతో లిటన్ దాస్ ఓ అరుదైన రికార్డును సాధించాడు. ఈ మ్యాచ్లో 26/5తో బంగ్లాదేశ్ కష్టాల్లో ఉన్నప్పుడు దాస్ బ్యాటింగ్ దిగాడు. కాగా టెస్టుల్లో జట్టు స్కోరు 50 పరుగుల లోపే ఆరో స్థానంలో బ్యాటింగ్ మూడో సెంచరీ చేసిన ఏకైక ప్లేయర్గా దాస్ నిలిచాడు. టెస్టుల్లో అతడు నాలుగు సెంచరీలు చేయగా.. అందులో మూడు సార్లు ఇలాంటి క్లిష్ట పరిస్థితుల్లోనే బ్యాటింగ్కు దిగాడు. 29 ఏళ్ల దాస్.. 2021లో పాకిస్థాన్తో మ్యాచ్లో 49/4 దశలో బ్యాటింగ్కు దిగి తొలి సెంచరీ చేశాడు. 2022లో శ్రీలంకతో మ్యాచ్లో 24/5 దశలోనూ అతడు సెంచరీ కొట్టాడు.ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్స్టైల్ అప్డేట్లు మొదలగునవి తెలుసుకోండి. వీడియోలను TimesXP లో చూడండి. 2024-09-02T06:29:13Z dg43tfdfdgfd