వందేమాతరం పాడిన టీమిండియా.. దద్దరిల్లిన వాంఖడే, వీడియో అదిరిపోయింది..!

టీ20 ప్రపంచకప్ కైవసం చేసుకుని భారత గడ్డపై అడుగుపెట్టిన టీమిండియాకు ఘన స్వాగతం లభించింది. గురువారం మొత్తం టీమిండియా ప్లేయర్లు సంబరాల్లో మునిగిపోయారు. ఫ్యాన్స్‌ను ఉత్సాహపరుస్తూ గడిపారు. బార్బడోస్ నుంచి 15 గంటల ప్రయాణం తర్వాత టీమిండియా ప్రత్యేక విమానంలో ఢిల్లీలో ల్యాండ్ అయింది. అనంతరం హోటల్‌లో ఫ్రెష్ అప్ అయి ప్రధానమంత్రి నరేంద్ర మోదీతో భేటీ అయ్యారు. అంతకుముందు హోటల్‌కు వద్ద బ్యాండు శబ్దాలకు డ్యాన్స్‌‌లు చేశారు ప్లేయర్లు.

ఆ తర్వాత భారత క్రికెట్ ప్లేయర్లు ముంబైలో అడుగుపెట్టారు. ప్రపంచకప్ గెలిచి తొలిసారి ముంబై గడ్డపై అడుగుపెట్టి టీమిండియాకు అపూర్వ స్వాగతం లభించింది. వారు ప్రయాణించిన విమానానికి రెండు వైపుల నుంచి వాటర్ ఇంజన్లతో నీరు గుమ్మరించి వెల్‌కమ్ చెప్పారు. విజయోత్సవ ర్యాలీ సాగిన మెరైన్ డ్రైవ్ రోడ్డు జన సంద్రాన్న తలపించగా.. అనంతరం వాంఖడేలో ఏర్పాటు చేసిన కార్యక్రమంలో టీమిండియా ప్లేయర్లు భావోద్వేగానికి గురయ్యారు.

విజయయాత్ర తర్వాత టీమిండియా ఆటగాళ్లు వాంఖడే స్టేడియానికి వచ్చారు. ఉచిత ప్రవేశం కల్పించడం, ఆటగాళ్లను చూసేందుకు ఫ్యాన్స్ ఆసక్తి చూపించడంతో నిమిషాల్లోనే స్టేడియం నండిపోయింది. ఓ వైపు వర్షం కురుస్తున్నా లెక్కచేయకుండా.. తిండి, తాగునీరు లేకున్నా ఫ్యాన్స్. స్టేడియంలోనే ఎదురుచూశారు. ఇక వారందరి నిరీక్షణకు తెరదించుతూ ఎంటరైన టీమిండియా ప్లేయర్లు వారిని ఉత్సాహపరిచారు.

ఇక వేలాంది మంది ఫ్యాన్స్‌ ముందు టీమిండియా ప్లేయర్లు జాతీయ గీతం ఆలపించారు. ఆ సమయంలో స్టేడియం మొత్తం పులకరించిన పోయింది. ఒకరకమైన ఉద్వేగభరిత వాతావరణం ఏర్పడింది. తమకు మద్దతుగా నిలిచిన ఫ్యాన్స్‌కు ప్లేయర్లు కృతజ్ఞతలు తెలిపారు. గ్రౌండ్‌ అంతా కలియతిరుగుతూ మార్కర్‌ పెన్నుతో సంతకాలు చేసిన బంతులను స్టాండ్స్‌లోకి పంపించారు. ఒకానొక సమయంలో వందే భారతం అంటూ గొంతెత్తిన టీమిండియా..స్టేడియంలో మూడ్‌ను ఒక్కసారిగా మార్చేసింది. ఇందుకు సంబంధించిన వీడియోను బీసీసీఐ పంచుకుంది. ఈ వీడియోను చూస్తే గూస్ బంప్స్ పక్కా!

ప్రపంచకప్ టైటిల్ సాధించిన అనంతరం టీమిండియాకు రూ.125 కోట్ల ప్రైజ్‌మనీని ప్రకటించిన విషయం తెలిసిందే. ప్రకటించినట్లుగానే వాంఖడేలో టీమిండియాకు బీసీసీఐ ఆ మొత్తానికి సంబంధించిన చెక్కును అందజేసింది.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-07-05T02:01:42Z dg43tfdfdgfd