కోహ్లీ చాలా మంచివాడు.. ఆస్ట్రేలియా ఓపెనర్ సామ్‌ కొన్‌స్టాస్‌

బోర్డర్ గవాస్కర్ ట్రోఫీలో విరాట్ కోహ్లీ, ఆస్ట్రేలియా యువ బ్యాటర్ సామ్ కొన్‌స్టాస్‌ మధ్య జరిగిన వివాదం గురించి తెలిసిందే. కొన్‌స్టాస్‌ పిచ్‌పై నడుస్తుండగా కోహ్లీ వచ్చి భుజాన్ని ఢీకొట్టడంతో వివాదం మొదలైంది. ఆ తర్వాత ఈ విషయం చర్చనీయాంశంగా మారింది. కొందరు కావాలనే కోహ్లీ.. ఢీకొట్టాడని కామెంట్లు చేస్తున్నారు. కొన్‌స్టాస్ సైతం ఈ విషయాన్ని పదేపదే గుర్తు చేసేలా ప్రవర్తించాడు. దీంతో కోహ్లీ- కొన్‌స్టాస్‌ వివాదం హాట్ టాపిక్‌గా మారింది. అయితే కోహ్లీతో వివాదంపై కొన్‌స్టాస్‌ తాజాగా మాట్లాడాడు.ఓ ఇంటర్వ్యూలో కొన్‌స్టాస్‌ మాట్లాడుతూ.. కోహ్లీని ప్రశంసలతో ముంచెత్తాడు. విరాట్ కోహ్లీ తన ఆరాధ్య దైవమని, అతడితో కలిసి ఆడటం తనకు దక్కిన గొప్ప గౌరవమని కొన్‌స్టాస్‌ పేర్కొన్నాడు. చిన్నప్పటి నుంచి అతడంటే చాలా ఇష్టమని చెప్పాడు.“బాక్సింగ్ డే టెస్టు(వివాదం మొదలైంది ఈ టెస్టులోనే) తర్వాత విరాట్‌ కోహ్లీతో కాసేపు మాట్లాడా. అతడు నా ఆరాధ్య దైవం. ఈ విషయాన్ని కోహ్లీకి కూడా చెప్పా. మా కుటుంబమంతా అతడి ఫ్యాన్సే. విరాట్‌తో కలిసి ఆడటం నాకు దక్కిన గొప్ప గౌరవం. కోహ్లీ ఒక లెజెండ్. నాకు అతడే స్ఫూర్తి. కోహ్లీ బ్యాటింగ్ చేస్తున్నప్పుడు మైదానంలోని ప్రేక్షకులు ఆయన పేరును జపిస్తున్నారు. పెద్ద స్టార్ అయినా విరాట్‌ నిరాడంబరంగా ఉంటాడు. చాలా మంచి వ్యక్తి. శ్రీలంక పర్యటనకు ఎంపికైతే బాగా ఆడాలని నన్ను విష్ చేశాడు” అని కొన్‌స్టాస్‌ చెప్పుకొచ్చాడు.అటు ఐదో టెస్టులో బుమ్రాతో జరిగిన గొడవపై కూడా కొన్‌స్టాస్ స్పందించాడు. ఈ విషయంలో తప్పు తనదే అని అంగీకరించాడు. క్రికెట్‌లో ఇలాంటివి జరుగుతుండటం కామన్ అని వ్యాఖ్యానించాడు. కాగా మెల్‌బోర్న్‌లో జరిగిన బాక్సింగ్‌ డే టెస్టుతో 19 ఏళ్ల కొన్‌స్టాస్‌ ఆస్ట్రేలియా తరఫున అరంగేట్రం చేశాడు. తొలి ఇన్నింగ్స్‌లో 65 బంతుల్లోనే 60 పరుగులు చేసి.. అందరి దృష్టిని ఆకర్షించాడు. మొత్తంగా చివరి రెండు టెస్టుల్లో 4 ఇన్నింగ్స్‌లలో కలిపి అతడు 113 రన్స్‌ చేశాడు.

2025-01-09T04:35:40Z